Васнецовтың «Апокалипсис» триптихі Киевтегі Владимир соборына арналған

«Ол қанға боялған киім киіп алған.
Оның есімі: “Құдай Сөзі”.
Аспан әскерлері ақ аттарға мініп Оның соңынан ерді,
олар ақ та таза зығыр матаны киген.
Оның аузынан халықтарды жаншу үшін өткір қылыш шығады.
Ол оларды темір таяқпен бағады;
Ол Құдіретті Құдайдың қаһары мен ашуының шарап сығатын қазанын таптайды.
Оның киімінде және жамбасында есім жазулы:
“Патшалардың Патшасы және әмірші-лардың Әміршісі”» (Аян 19:11-16).

«Апокалипсис» триптихі Киевтегі Владимир соборының орталық нефінің төбе кескіндемесінің бір бөлігі болуы тиіс еді, оны безендіруге қатысуды Васнецовқа 1885 жылы ұсынған.

Кескіндемені 1888 жылдың шілдесінде Русьтің шоқынуының мыңжылдығын мерекелеуге дейін аяқтауы керек еді. Бірақ уақыт өз түзетулерін енгізді де, жұмыс он бір жылға созылды.

«Апокалипсис» триптихі бізді дүниенің соңы оқиғаларына дайындайтын Иоанн Богословтың Аянына негізделген. Триптихтің жоғарғы бөлігінде күннің үстінде тұрып, құстарды Құдайдың кешкі дастарханына шақырып тұрған періште бейнеленген. Орталық бөлік «Күресуші Христос» Құдай Сөзінің бейнесін көрсетеді. Триптихтің төменгі бөлігінде аңның қасындағы бабылдық жезөкше тұр.

Жұмыс Мәскеудегі Васнецовтың үй-мұражайында қойылған, менің ойымша, бұл қаладағы, тіпті әлемдегі ең жақсы дербес мұражайлардың бірі.