Одри Хепберн 1953 жылы «Рим каникулы» фильмін түсіргеннен кейін Лондонға оралуына арналған кеште

Бастапқыда 24 жастағы Хепберн Уильям Уайлердің романтикалық комедиясындағы ханшайым Анна рөліне үміткер ретінде мүлде қаралмаған, басты таласкерлер Элизабет Тейлор мен Джин Симмонс болатын. Дегенмен 37 жастағы Грегори Пек те басты рөлге ілікпей қалуы мүмкін еді: оған Кэри Грантты да жіті қарастырған.

Бірақ ең қызығы мынада: «Оскар» алған сценарийдің қайнар көзі нағыз махаббат оқиғасы болуы мүмкін екен: ол ‒ Ұлыбритания патшайымы ІІ Елизаветаның інісі, ханшайым Маргареттің король атбегі болып қызмет еткен Корольдік әуе күштерінің ұшқышы Питер Таунсендпен романы. Патша отбасындағы осы махаббаттың бәріне белгілі фактілері сюжеттен сондай анық көрініп тұрғандықтан, Paramount киностудиясы Британ үкіметімен келісімге келуге мәжбүр болды: Одри Хепберн сомдаған кейіпкер британ патша әулетінің ешбір өкілімен байланыстырылмайтын болды.

Сценарийге келсек, ол «Оскарға» екі мәрте ие болды: 1954 жылы сыйлықты Йэн Макллеллан Хантерге тапсырды, өйткені сценарий авторы Далтон Трамбо коммунизмге қолдау көрсетуші ретінде қара тізімге енгізілген еді. Әділдік тек 1993 жылы, екі сценарист те өмірден өткеннен кейін қалпына келтірілді: сонда Академия Трамбоның жесіріне жаңа мүсіншені табыстады.