Әлемдегі ең жұмбақ әрі үрейлі мұражайлардың бірі: Римдегі Тазарақ жандары мұражайы
Шағын мұражайда о дүниелік өмірдің бар екенін аңғартатын артефактілер жиналған: Тазараққа түскен жандардың іздері.
XIX ғасырда бұл жерде марқұмдар үшін дұға оқылатын часовня тұрған. 1897 жылы онда өрт шығып, одан кейін құрбандық үстелі жағындағы қабырғадан адам басына ұқсас із және оның айналасында жымиып тұрған жындардың бет-жүздері табылды. Часовняның қарауылшысы Виктор Жуэ мұны тазарақққа түскен жандардың іздері деп топшылады. Бұл ой оны соншалықты баурап алғаны сонша, ол бүкіл Еуропа бойынша өлген жандардың көріністерін жинай бастады, ал жаңа шіркеудің құрылысы басталған тұста о дүниелік күштермен байланысқа тікелей меңзейтін заттардан шағын жинақ құрап үлгерген еді.
Мұражай Қасиетті жүрек шіркеуінің ризницасына апаратын дәлізде орналасқан. Егер барғыңыз келсе, шіркеуге кіріп, қызметшілердің бірін тауып, мұражайды көрсетуін сұраңыз. Жұмыс уақыты туралы айта алмаймын, өйткені өзім бірнеше жыл қатарынан жұмыс уақытында келіп, жабық есікке тап болдым.
