Біздің заманда да оп-оңай орын алуы мүмкін, ақылсыз, бірақ атқарымпаз шенеуніктер туралы өте қысқа әңгіме
Бірде І Павел өз сарайында Санкт-Петербургтің генерал-губернаторы Паленді және өзі ерекше жақсы көретін католик епископы Станислав Сестренцевичті қабылдады. Императордың митрополитке қаншалықты ілтипатты болғанын көрші бөлмелерде ойнақтап, қиқылдап, төбелесіп жатқан камер-пажтардың шуына оның зәредей ренжімегенінен-ақ байқауға болады. Станислав Сестренцевич императормен мальта орденінің өзекті мәселелерін, тіпті католик және православие шіркеулерін біріктірудің мүмкіндігін де мезгіл-мезгіл талқылап тұратын.
Кездесу аяқталып, залдан шығып бара жатып, Павел тоқтап, Паленге салқынқандылықпен: «Мына маймылды қазір сол сәтте Петропавл қамалына апарып, орындалғанын маған баяндаңыз», — деді. Пален өзіне қанша ауыр тисе де, император әмірін орындап, митрополитті Петропавл қамалына алып кетті де, сарайға келіп, тұтқынның тек дұғалығын ала кетуді сұрағанын және жол бойы күрсініп, дұға айтып отырғанын қосып, бұл туралы баяндады.
Император қатты ашуланып, өзінің досы, митрополит Сестренцевичтің тұтқындалғанын, ал өзі өтіп бара жатқанда киімі қағидаға сай емес күйде көрген камер-пажтың тұтқындалмағанын түсінді. Алайда Павелдің нұсқауларының көбінің ақылға сыймайтынын ескерсек, оның сүйікті дінбасысының Петропавл қамалына кенеттен жөнелтілуі ешкімді де именте қоймаса керек еді.
