Гараж мұражайы алғаш рет өз коллекциясын күзде ашық сақтау форматында көрсетеді
«Гараж» мұражайы өмір сүрген барлық жылдар ішінде тұңғыш рет өз коллекциясына және тұрақты экспозициясына ие болады, дәлірек айтқанда, коллекция мұражайдың негізгі ғимаратында, «Жыл мезгілдері» павильонында ашық сақтау форматында көрсетіледі. Мұражай сатып алған алғашқы жұмыстар күзде-ақ көрсетіледі, жобаны «Ашық сақтау. Пролог» деп атапты.
«Гараждың» директоры Антон Беловпен танысып, мұражайдың өз өнер жинағы жоқ екенін білгенімде, бұған қатты таңғалғаным неше жыл болды десеңізші. Қалайша, мұражай бар да, жинағы жоқ? Шындығында «Гараж» баяғыдан-ақ жинаушы болатын, бірақ ол әзірге тек қазіргі заманғы өнер тарихына қатысты мұрағат қана еді, айтпақшы, өз түрінде ең ірілерінің бірі.
Міне, ақыры мұражайдың есігі өнерді көрсету үшін қайта ашылады, бірақ бұрын тек жаңа көрмелерді күткен болсақ, енді тұрақты экспозиция да болады.
Жұмыстардың бір бөлігі мұражай мұрағатынан келіп түседі, «Гаражда» сақталатын суретшілер мұрағатында эскиздер, біржақты жіктеуге келмейтін объектілер және фото/бейнетүсірілімдер көп екені түсінікті. Осы заттардың бір бөлігі ашық сақтауға ауыстырылып, мұрағаттық контексті көркемдік контекске алмастырады.
Тұрақты коллекцияда жұмыстары көрсетілетін аты аталған суретшілердің ішінде: Сингулярлық зерттеулер агенттігі, Никита Алексеев, Миша Ле Жень, Кирилл Глущенко, Михаил Максимов, Андрей Монастырский.
Тамаша жаңалық! Мұражай қызметкерлерін құттықтаймын! «Гаражға» қайтадан жұмысқа барғандай қатынайтын сәтті зор зарыға күтіп отырмын.
Суреттерде: Саратов өзен портындағы «Субұрқақ» акциясының бейнетүсірілімінен үзінді, Миша Ле Жень, 2003 жыл; «Көлік. Эстетикалық қабаттасу», Андрей Монастырский, 1985 жыл; «Мәскеу шамдары» бейнесінен скриншот, Кирилл Глущенко, 2020 жыл; «Flyover OS. Трансгрессиялар мұрағаты» интерактивті медиаинсталляциясынан снэпшот, Михаил Максимов, 2020 жыл; «Flower Power. Мұрағат. Психотарихи көріністер», Сингулярлық зерттеулер агенттігі, 2018 жыл; Никита Алексеевтің атауы жоқ суреті, 1983 жыл.
