КОРОЛЬДІҢ КІШІ ТУЫСТАРЫ
Бистахиэверсорлардың табылған жәдігерлері өте аз: үш-төрт қанағаттанарлық қаңқа және бірнеше шашыранды сүйекшелер. Сүйектер алғаш рет Нью-Мексикодан табылған. Бұл түрлердің қаңқалары бір-бірінен онша айырмашылығы жоқ, дилетанттар бистахиэверсор жай дамымай қалған екен, өйткені кезінде үйде көп отырып, жұптасып жатқан диплодоктарға қарап, қолымен өзін-өзі қанағаттандырумен шұғылданған шығар деп ойлауы мүмкін. Дегенмен мұндай кішкентай қолдармен көп қанағаттанып жарытпассың.
Аты навахо тілінде «бистахи» деп аталатын саз балшықтан жасалған құрылымдардан шыққан, олар Биста шөліне атау берген. Эверсор латын тілінен аударғанда «жойқын» дегенді білдіреді.
Бистахиэверсордың бойы 9 метрге жеткен, ал тиранозаврлардың бойы 12 метр болған. Ол 74 млн жыл бұрын өмір сүрген. Суреттегі бас сүйек 64 тіспен жабдықталған. Тиранозаврлардың тістері 54 болған, және олар 10 млн жыл кейін өмір сүрген. Демек, бір миллион жыл сайын бистахиэверсор бір тістен айырылып отырған болып шығады.
Бистахиэверсорлар мен тиранозаврлар Жартасты таулармен бөлінген аумақтарда бір-бірінен оқшау өмір сүрген деп болжанады, сондықтан бірге әуелеп жүрмеген, бірақ бір анадан тарауы мүмкін.
Тираннозавр Рексті айтпағанның өзінде, бистахиэверсор кесіртке жамбасты динозаврлар отрядына жатады. Бұл отряд алғашында тән ерекшелігіне, яғни алға қарай еңкейген шап сүйектеріне байланысты осылай аталған. Сондықтан жүрісі де сондай күлкілі.
