Француз королі V Карл тақта отырып кітап оқып отыр, үстелде кітаптардың қасында армиллярлық сфера, аспан денелерінің координаттарын анықтайтын астрономиялық құрал тұр
V Карл астрологияның дамуына айтарлықтай үлес қосты. Ол Париж университетінде астрологияны зерттеуге жәрдемдесетін факультет ашты. Бұл Жерве шебердің колледжі болатын, ол Францияда астрология қызметінің дамуы орталығына айналды, оның үстіне факультеттің ашылуын Рим папасының өзі құптаған. Астрология ғылым деп танылып, университетте оқытылуға тиіс деген арнайы акт XIII ғасырдың басында-ақ қабылданған еді.
Алайда кейбір тарихшылар V Карлдың бірінші дәрігері Жерве Кретьен 1371 жылы негізін салған Париж университетінің жанындағы колледж негізінен теология студенттеріне арналғанын атап көрсетеді. Ал құрылғанына 6 жыл өткен соң ғана онда медицина және математика ғылымдары бойынша маманданатын студенттерге шәкіртақы пайда болды.
