Австриялық Габсбургтердің мұрагері эрцгерцог Иосиф француз Бурбондарының итальяндық бүйір тармағынан шыққан испан инфантасы Изабеллаға үйленгенде, оның құдіретті анасы императрица Мария Терезия бейне бір репортаж секілді бірнеше картина тапсырыс берді…
Австриялық Габсбургтердің мұрагері эрцгерцог Иосиф француз Бурбондарының итальяндық бүйір тармағынан шыққан испан инфантасы Изабеллаға үйленгенде, оның құдіретті анасы императрица Мария Терезия сарай суретшісі Мартин ван Мейтенске сәнді той-томалақтан бейне бір репортаж іспетті бірнеше картина тапсырыс берді. Алып полотнолар мерекенің ауқымын көз алдыңа әкеледі: санап бітпейтін көлік, қонақ, музыкант, салтанатпен безендірілген залдар… Қызығы, халықтың да монарх мерекесіне қол жеткізуге мүмкіндігі болған: адамдарды болып жатқан жайды тамашалауы үшін шағын топтармен кіргізіп отырған. Ақсүйек ханымдар мен мырзалардың көпшілігі де тек көрермен болды, дастарқан басында императорлық отбасының тар ғана шеңбері отырды. Осынау сән-салтанаттың басты мақсаты: империяны титықтатқан Жеті жылдық соғыстың азапты беттерін жадтан ығыстырып, көршілерге әлі де оқ-дәрінің бар екенін көрсету. Ал Габсбургтер мен Бурбондардың, яғни қас жаулардың ұрпақтары арасындағы неке байқалмай қалуы мүмкін бе еді?
