Юрий Нечаев-Мальцовтың есімі Пушкин мұражайының қабырғаларында қалай мәңгілікке қалдырылған?

Юрий Нечаев-Мальцовтың есімі Пушкин мұражайының қабырғаларында қалай мәңгілікке қалдырылған? Мысыр залына оның есімі берілген, ал мұражайдың маңдайшасына Юрий Степановичтің барельефті портреті бар естелік тақта орнатылған.

Юрий Степанович Мальцов Иван Владимирович Цветаевпен бірге ІІІ Александр атындағы Бейнелеу өнері мұражайының, қазіргі А. С. Пушкин атындағы ГМИИ-дің екі басты негізін қалаушысының бірі болғаны өз орнымен айтылады.

Бұл мұражайдың идеясын ұсынып, оны ойлап тапқан Цветаев жобаны алты жыл бойы алға сүйреді, оны патшаға таныстырды, меценаттар тапты, яғни ол мұражайдың рухани және идеялық атасы болды. Ал Мальцов шын мәнінде оған заттай өмір сыйлады.

II Николай император мұражай құруға жеке өзі 200 мың сом қайырымдылық жасады, үкіметтен де дәл сонша қаржы түсті. Көпес әйелі Алексеева мұражай ІІІ Александрдың атымен аталсын деген шартпен 150 мың сом берді. Өзге жеке қайырымдылық жасаушылар, яғни Харитоненко, Третьяков, Солдатенков, Протопопов, Шелапутин, Морозовтар іске 500-ден 30 мыңға дейін сом салды. Нечаев-Мальцов бірден 300 мың берді, ал құрылыстың соңына қарай оның салған қаржысы 2 миллион сомнан асып түсті.

Марина Цветаева былай деп жазады: «Нечаев-Мальцов мұражайдың басты, кеңірек айтқанда, жалғыз қайырымдылық жасаушысы, әкем оның рухани негізін қалаушы болса, ол заттай жаратушысы болды... ІІІ Александр мұражайы дегеніміз әкемнің он төрт жылдық пейілі кіршіксіз еңбегі және Мальцовтардың сондай пейілі кіршіксіз үш миллионы».