Венециядағы Libreria Acqua Alta кітап дүкені кітаптарды қайықтар мен ванналарда сақтайды
Кітаптары бар гондола қалай? Дәл осындай гондоланы әлемдегі ең ерекше кітап дүкендерінің бірінде, Венециядағы Libreria Acqua Alta дүкенінде көруге болады. Мұнда кітаптар сатып алушыларын тек гондолалардың ішінде ғана емес, өзге де қайық түрлерінде, тіпті каноэде де күтеді. Бұл дүкен су көтерілген кезде қор зардап шекпейтіндей етіп арнайы жасалған, сондықтан үй-жайдың су басуы кітаптардың жоғалуына әкелмейді: олар қайықтарға, ванналарға және аспалы сөрелерге әлдеқашан жинап қойылған. Ішкі аулшаның қабырғалары кітаптардан өрілген, тіпті екінші қабатқа шығатын баспалдақ та кітаптардан жасалған. Тек өкінішке қарай, бұл сәндік элементтер құрылыс көбігімен бекітілген, сондықтан енді қашан да бір оқуға жарай қояр ма екен. Көне заманның шынайы заттары өз мәнін біржола жоғалтып, жай ғана дизайнның бір қызығына айналғанда, әрқашан қатты қынжыласың. Бірақ олар бөлек ешқандай құндылық тудырмай, жай лақтырылып тасталуы немесе шіріп кетуі мүмкін еді деп ойласаң, көңіл жай табады.
