Италия мемлекеті Умберто Эконың кітапханасын оның отбасынан сатып алып, Болонья университетіне тапсырады

Италия мемлекеті Умберто Эконың кітапханасын оның отбасынан сатып алып, Болонья университетіне тапсырады. Жазушы әрі философ қайтыс болғалы бері бес жылға жуық уақыт өтті. Италия Мәдениет министрлігі ғалымның мұрагерлерімен шарт жасасты: Эконың мұрағаты мен 30 мың томдық кітапханасы сақталып, студенттер мен зерттеушілерге қолжетімді болады. Умберто Эко көп жыл еңбек еткен Болонья университетінде бұл мұра келесі 90 жыл бойы сақталады. Ал 1200 көне кітапты қамтитын Bibliotheca semologica Curosa, lunatica, magica et pneumatica Миландағы Брейденсе ұлттық кітапханасында сақталады. 2018 жылы жазушының жесірі мен балалары құны 2 млн еуро деп бағаланған Эко кітапханасы екіге бөлінеді деп жорамалдаған еді. Рас, ол кезде отыз мың томдық ескі баспа емес кітаптар жинағын Италияның түрлі мәдени орталықтарына, ал көне кітаптарды Брейденсеге беру жоспарланған болатын.