Джон Эверетт Милле, Тауэрдегі ханзадалар, 1878

Тауэрдегі тұтқыннан із-түзсіз жоғалып кеткен екі ханзада Шекспирді де қатты тебірентті. Ол Эдуард V мен оның інісі Ричард туралы «Ричард III» атты тарихи пьесасында жазды.

Эдуард V: Англияның таж кимеген монархтарының бірі. Әкесі Эдуард IV қайтыс болғанда оған 13-ке енді шыққан еді, баланы таққа отырғызып үлгермеді, әкесінің інісі, қамқоршы болып тағайындалған Ричард Глостер жас Эдуардты інісімен бірге Тауэрге қамады, алдап-арбап шешесінің туыстарын олардан аластады, қорғаушыларын өлім жазасына кесті, балаларды некесіз туған деп жариялады, ал одан әрі олар туралы ештеңе белгісіз. Томас Мор балаларды ұйқыда жастықпен тұншықтырған деп жазды, Шекспир де осы нұсқаны негізге алды.

Ханзадалардың тағдыры әдебиет пен өнерде үлкен үн тапты, көптеген кескіндеме туындылары олардың өмірінің соңғы кезеңін бейнелейді, тіпті қызғылт түстің бір реңі де олардың тағдырының құрметіне аталған: «Эдуард балаларының түсі».

Милленің картинасына келсек, ол «Қисық айналар патшалығы» фильміндегі Оля мен Яло сарай қызметшілерінің бейнесін еске түсірмей ме?