Тимоти Шаламе Францияға қарсы соғысқысы келмейтін гуманист билеуші Генрихті сомдайды
Генрих V Мишо көрсеткендей бейбітшіл болды ма?
Жалпы, ойланып көрсең, ең бастысы, көпшілік сенетіндей көрікті актер тапсаң, қанға малынған Юлий Цезарь мен Наполеонды да бейбітшілік пен ізгіліктің жаршысы ретінде өткізіп жіберуге әбден болады.
Тимоти Шаламенің романтикалық кейіпкері жастық шақ мұраттарына елтіген, игі ниетті, мәселені шайқас даласында емес, келіссөзбен шешуді жөн көретін гуманист билеушінің бейнесін жасайды. Ал күреске шығуға тура келсе, екі жақтың да жауынгерлерінің жанын сақтап қалу үшін жекпе-жекті ұсынып, өзі алдыңғы шепке шығады. Кентербери архиепископы билеушіні Францияға қарсы соғысқа үгіттегенде, Шаламенің Генрихі таңғалады: ол Ла-Манштың арғы бетінде соғысуға да, әсіресе француз тәжіне таласуға да ешқандай құлшыныс танытпайды.
