Болгария православ әулиелерінің бейнесін ұлттық еуро монеталарының аверсіне орналастырды

Номиналы 2 еуро монетада XVIII ғасырда өмір сүрген, болгар ұлттық жаңғыруының негізгі тұлғасы және «Славян-болгар тарихы: болгар халықтары мен патшалары туралы» кітабының авторы әулие Паисий Хилендарский бейнеленді.

Номиналы 1 еуро монетада қолында крест пен шиыршық ұстаған, IX-X ғасырларда өмір сүрген әулие Иоанн Рыльский бейнеленген. Ол Рыль монастырінің негізін қалаушы, Болгарияның көктегі қамқоршысы, науқастарды емдеп, монахтарға жөн сілтеген дүниеден безген монах болатын.

Монеталардың дизайнында шығарылған жыл, «БЪЛГАРИЯ» деген жазу және кириллицамен жазылған «евро» сөзі, сондай-ақ монетаның қырына екі рет жазылған «БОЖЕ ПАЗИ БЪЛГАРИЯ» («Құдай Болгарияны сақтасын») деген дұға сөзі бар.

Еске сала кетейін: әлемдегі ең көп православ халқы бар ел Ресейдің ақшалай белгілерінде православ әулиелері де, қасиетті жерлері де бейнеленбейді, ал 2023 жылы крестсіз православ шіркеуінің бейнесі басылды, 2024 жылы Ұлттық банк культтік ғимараттар мен діни мақсаттағы нысандар түсірілген ақша шығарудан мүлде бас тартты.

Болгарияның еуроцент монеталарында жартасқа қашалған барельеф, яғни ЮНЕСКО-ның Бүкіләлемдік мұра тізіміне енгізілген, Болгарияның солтүстік-шығысында орналасқан VIII ғасырдың археологиялық ескерткіші Мадара салт аттысының бейнесі болады