Рио-де-Жанейро апелляциялық соты Рио-де-Жанейро қазіргі заманғы өнер мұражайының бұрынғы директоры Фабио Шварцвальдты мұражайдың 16 жыл бойы өрттен сақтандырылмағаны туралы ақпаратты жария еткені үшін мұражайға 100 мың реал төлеуге міндеттеді

Шварцвальд мұражайды 2020 жылдан 2022 жылға дейін басқарды және өзінің жария мәлімдемесінен кейін көп ұзамай кетті. Сақтандыруды рәсімдеу және өзге де iрі шығындар мұражай кеңесінің жауапкершілігінде, яғни іс жүзінде бұл жаңғыртуды бастаған жалдамалы директор мен 16 жыл бойы сақтандыруға үнемдеп келген жалдаушы, яғни кеңес арасындағы текетірес туралы оқиға. Әрі кеңес 1978 жылы MAM Rio-да қатты өрт болып, шамамен алты жүз көркем туындының жанып кеткенін біле тұрып үнемдеген.

Сот сақтандыру туралы айтылған сөз шындық болған күннің өзінде де Шварцвальд өз келісімшартындағы құпиялылық тармағын бұзып, мұражайдың беделіне қамқоршылар, суретшілер мен көпшіліктің алдында нұқсан келтірді деп шешті.

Бақытымызға орай, сот сонымен бірге мұражайды бұрынғы директорға кешіктірілген жалақыны, яғни бір жылға жуық уақыттағы жалақыны төлеуге міндеттеді.