Андалусиялық мойралар, Хосе Вильегас-и-Кордеро, 1910-1913 жж.

Хосе Вильегас-и-Кордеро (1844-1921), севильяльық испан суретшісі алғашқы суретін он екі жасында сатқан, уақыт өте келе Испанияның ең көп табыс тауып, ең көп жиналатын суретшілерінің біріне айналды.

Оның ерте шығармашылығы шығыстану сюжеттеріне арналған, өйткені Севильядан Марокко Португалия мен Францияға қарағанда жақынырақ қой. Ол Италияда отыз жыл өмір сүрді, ал XX ғасырдың басында туған еліне оралғанда, Мадридтің зиялы өмірінің қақ ортасына түсті. Дәл осы кезде оның өнерінде испан тақырыбы көріне бастайды.

Андалусиялық мойралар Клото, Лахесис және Атропос бейнесіндегі үш жарқын киінген жас әйелді бейнелейді: олар грек мифологиясындағы адам тағдырының көрінісі ретінде тағдыр жіптерін иіреді, өлшейді және кеседі. Әйел тұлғалары көрерменге қарайды, сол арқылы оның да тағдырын солар шешіп қойған болуы мүмкін екенін аңғартқандай.

Қызығы, картинаның алғашқы нұсқасында бұлар Севильядағы балконда тұрған әйелдер болған