1673 жылғы 17 ақпанда Мольер Арганның рөлін ойнаған кресло Комеди Франсезде сақтаулы
1673 жылғы 17 ақпанда осы креслода отырып, өліп бара жатқан Мольер өзіне үнемі бір жері ауырып тұрғандай көрінетін «елестегіш науқас» Арганның рөлін ойнады. Пьесада Арган айналасындағылардың өзі өлген соң өздерін қалай ұстайтынын көру үшін өлген боп кейіп танытуды ойластырады. Сондықтан финалдық көріністе 51 жасар Мольердің өзі кенет шынымен-ақ қатты нашарлап кеткенде, жүрегі қысып, ауыр дем алып, креслоға сүйретіліп құлап түскенде, көрермендер одан сайын қатты қарқылдап күлді: кешке спектакльден кейін комедиограф шынымен дүниеден өтеді деп ешкім ойлай алмады. Классикалық комедияның негізін салушының театрдағы жолы осындай қатыгез иронияжен аяқталған кресло «Комеди Франсез» театрында сақтаулы тұр.
