> ## Content Index > Fetch the complete content index at: https://theparnassian.com/llms.txt > Use this file to discover other available public pages before exploring further. # Духовная грамота, то есть завещание великого князя московского Дмитрия Донского, Российский государственный архив древних актов - URL: https://theparnassian.com/dukhovnaia-gramota-to-est-zaveshchanie-velikogo-kniazia-moskovskogo-dmitriia-donskogo-rossiiskii-gosudarstvennyi-arkhiv-drevnikh-aktov/ - Published: 2024-07-24T08:03:36.000Z - Updated: 2026-09-21T23:40:01.000Z - Author: Alexandr Radayev - Tags: Архив, Вера, Монархии, Москва, #auto, #translated «Во имя Отца и Сына и Святаго духа, се яз, грешный худый раб Божий Дмитрий Иванович, пишу грамоту душевную целым своим умом. Даю ряд сыном своим и свoей княгини. Приказываю дети свои своей княгине. А вы, дети мои, живите заодин, а матери своее слушайте во всем. А приказываю отчину свою Москву детем своим, князю Василью, князю Юрью, князю Андрею, князю Петру. А брат мой, князь Володимер, ведает свою треть, чем его благословил отец его, князь Андрей. А се благословляю сына своего, князя Василья, своею отчиною, великим княженьем… А сына своего благословляю, князя Юрья, своего деда куплею, Галичем, со всеми волостми, и с селы, и со всеми пошлинами, и с теми селы, которые тягли к Костроме… А сына своего, князя Андрея, благословляю куплею же деда своего, Белымозером, со всеми волостми… А сына своего, князя Петра, благословляю куплею же своего деда, Углечим полем, и что к нему потягло… А се даю своей княгине из великого княженья у сына у своего… А что есм дал своей княгине из удела сына своего, княжа Васильева и изо княжа из Юрьева, изо княжа из Андреева, изо княжа из Петрова, волости и села, а что Бог розмыслит о моей княгине, и те волости и села во чьем удел, то тому и есть… А по грехом, которого сына моего Бог отъимет, и княгини моя поделит того уделом сынов моих. Которому что даст, тo тому и есть, а дети мои из ее воли не вымутся… А даст ми Бог сына, и княгини моя поделит его, возмя по части у болшие его братьи… А у которого сына моего убудет отчины, чем есм его благословил, и княгини моя поделит сынов моих из их уделов. А вы, дети мои, матери слушайте. А по грехом, отъимет Бог сына моего, князя Василья, а хто будет под тем сын мой, ино тому сыну моему княж Васильев удел, а того уделом поделит их моя княгини. А вы, дети мои, слушайте своее матери, что кому даст, то тому и есть. А переменит Бог Орду, дети мои не имут давати выхода в Орду, и который сын мой возмет дань на своем уделе, то тому и есть. А что есм подавал своей княгине волости и села из уделов детий своих, и свой примысл, и слободы, и села, и Холхол, и Заячков, а с тех волостий, и с слобод, и с сел что возмет княгини моя, то ей и есть. А дети мои в то не вступаются. А хто сю грамоту мою порушит, судит ему Бог, а не будет на нем милости Божий, ни моего благословенья ни в сии век, ни в будущий. А писал есм сю грамоту перед своими отци: перед игуменом перед Сергием, перед игуменом перед Савастьяном. А тутo были бояре наши: Дмитрий Михайлович, Тимофей Васильевич, Иван Родивонович, Семен Васильевич, Иван Федорович, Олександр Андреевич, Федор Андреевич, Федор Андреевич, Иван Федорович, Иван Андреевич». ![](https://theparnassian.com/content/images/2026/09/photo_12909@24-07-2024_11-03-36.jpg) ![](https://theparnassian.com/content/images/2026/09/photo_12910@24-07-2024_11-03-36.jpg) ![](https://theparnassian.com/content/images/2026/09/photo_12911@24-07-2024_11-03-36.jpg)